Vanvitinn

downslope

2007-12-22T22:33:00.000Z

Nú finnst mér við hæfi að rita niður nokkur orð.

Ég veit í sjálfu sér ekkert hvað ég á að skrifa en skilmerkilegustu og innihaldsríkustu klausurnar fyrir bloggfærslu birtast mér þegar ég er við það að sofna á kvöldin. Karma alheimsins sér jafnframt fyrir því að ég vakna algerlega minnislaus daginn eftir.....frábært!

Ein af ástæðunum fyrir því að ég hef ekkert skrifað hér að undanförnu er til að komast hjá fjöldaákærum, hugsanlegri fangelsisvist og e.t.v. ofsóknum á hendur fjölskyldu minnar, vina og vandamanna. Þetta kunna að virðast óskiljanleg rök fyrir skorti á skrifum en þar sem að allflestir hópar, af hvaða tagi sem er, lögsækja fólk fyrir að koma skoðunum sínum á framfæri þá fengi ég 100 x lífstíðardóm fyrir það sem að ég hef að segja. Að þessu leyti eru bloggsíðurnar að verða æ óhentugri til að gagnrýna eitt og annað sem annars mætti koma fram, þó ekki sé nema skoðun eins manns án dónaskaps og ærumeiðinga. Ég tek ekki þá áhættu.

Þar sem að ég hef verið þvingaður til að hætta gagnrýni og umræðum um ákveðin mál er ég tilneyddur til að skipta um blogg og/eða fá mér annað sem að fjallar um skemmtanahald um helgar og þess háttar vitleysu. Þar mun koma fram hvar aðalsamkoma topp skemmtanafíkla var þá og þá helgi, hver lést áfengisdauða fyrstur, hver var fyrstur til að æla yfir sjálfan sig, hver var með mestu dólgslætin og síðast en ekki síst hver svaf hjá hverjum og hvers vegna, ennfremur hver svaf ekki hjá hverjum og hvers vegna ekki. Þetta á eftir að verða mjög áhugavert.....og að sjálfsögðu fylgja myndir.

Sjáum hvað gerist.

Góðar stundir.

Að lifna við...

2007-10-01T22:44:00.000Z

Í dag neyddist ég til þess að fara í vinnuna......það var ekki gaman.

Um síðustu helgi fór ég á réttarball í reiðhöllinni.....það var gaman......held ég. Þar var margt fólk og mikill hávaði. Áður en ég fór á þennan dansleik var ég í ofurgleðskap hjá Haraldi frænda mínum ásamt góðum félögum. Þess má geta að veislugestir voru búnir að ná góðu forskoti í áfengisþambi þegar ég loksins lét sjá mig um kvöldið. Ég tók þá magnþrungnu ákvörðun að ná þeim!

Það fór þannig fram að ég, ef hægt er að taka svo til orða, andaði að mér tæplega einum lítra af Captain Morgan og kippu af Tuborg Gold. Í lokin fékk ein freyðivínsflaska að finna fyrir því. Það þarf vart að útlista hvaða afleiðingar það hefur að drekka líkamsþyngd sína á mjög skömmum tíma.

Þar sem ég kem til með að skrifa hlutfallslega fleiri færslur hér á næstunni, miðað við fyrri afköst, þá finn ég mig knúinn til að minna ykkur á að þetta blogg er enn með lífsmarki þótt lítið sé.

Takk fyrir.

Sögur að handan...

2007-09-12T13:37:00.000Z

Í tilefni þess að ég er kominn heim af sjónum hef ég ákveðið að blogga lítillega.

Nú hef ég haft það orð á mér að ég sé ekki duglegur að blogga.....en það er ekki rétt. Ef yfirlitið á síðunni minni er skoðað sést að þar má finna fjöldann allan af færslum. Mér þætti því vænt um að ég yrði minna skammaður af frændfólki mínu í framtíðinni fyrir ritstíflu.

Er í augnablikinu staddur í Danmörku hjá systur minni og fjölskyldu, ásamt bróður mínum. Var í Svíþjóð um síðustu helgi og fram á þriðjudaginn, hjá mágkonu minni og börnum. Það var góð ferð og löngu tímabær enda hafði ég ekki séð þau í rúmt ár.

Nú hef ég náð gífurlegri færni á reiðhjóli og ferðast mikið á því hérna. Drekk reglulega bjór (við þorsta auðvitað - vatnið ódrekkandi).

Fleiri færslur koma á næstunni - er á leiðinni í búðina.

Bless.

Smá update

2007-06-19T00:22:00.000Z

Eftir miklar vangaveltur ákvað ég að láta verða af því að blogga. Ekki að ég hafi svosem neitt merkilegt að segja en samt eitthvað. Í dag er kominn 19.júní og á allra næstu dögum fer ég í frystitúr á aflaskipinu Örvari frá Skagaströnd. Ég veit ekki hvort að þeir séu nettengdir þar en ef svo er þá sendi ég ykkur kannski einhverja þvælu.

Síðan ég lauk skólanum núna í vor hef ég ekki verið í neinni fastri vinnu en hef samt sem áður unnið einsog berserkur hjá gamla settinu, ömmu og afa og honum bróður mínum. Þetta "frí" hefur verið ágætt en nú er kominn tími til að afla tekna til heimilisins. Vona að ég muni eftir að láta verða að því að koma heim með siginn fisk til ömmu gömlu.

Þegar ég kem heim mun ég halda partý til að fagna því að Subaru bifreið mín skreið yfir 250.000 kílómetra markið á dögunum. Einnig hef ég í huga að festa kaup á krossara áður en sumarið er liðið en það hef ég ætlað mér að gera þegar ég lyki námi, eða nánast lyki því. Einsog alþjóð veit á ég 10 einingar eftir sem ég að sjálfsögðu klára þrátt fyrir efasemdir ákveðinna aðila.

Þangað til næst...behave og gerið ekkert sem ég myndi gera.

Fyrir Signýju...

2007-04-21T19:43:00.000Z

Jæja. Nokkrar línur.

Er opinberlega orðinn háður sjónvarpsþáttaröðinni 24 með Kiefer Sutherland í fararbroddi sem Jack Bauer. Er kominn í u.þ.b. miðja aðra seríu og get illmögulega hætt að hugsa um hvatvísi Bauers og lagni við úrlausn vandamála.

Miðvikudaginn síðastliðinn (eiginlega fimmtudaginn samt) fór ég ásamt Ísaki og Pétri Fannberg á Pendulum á Broadway. Það var ágætis skemmtan fyrir utan þá sviksemi að klippa aftan af tónleikunum einsog 1 klukkutíma....ég var óglaður yfir þessu.

Ein vinnuvika eftir í skólanum og í kjölfarið fylgir einn tugur prófa, ef ég næ símati í tveimur áföngum. Get ekki beðið eftir því að klára þetta og koma mér burt héðan.

Heimsótti ömmu Ásdísi áðan og snæddi mexíkanska grýtu þar ásamt Steingrími föðurbróður mínum. Svo fékk ég ís.

Hvað líf eftir skólann varðar er það óráðið. Þar sem viðbrögð frá FISK-SEAFOOD við síendurteknum starfsumsóknum mínum eru engin, verður annar landshluti fyrir valinu. Hvaða hluti það verður er ég ekki viss um en vona að komast í betra umhverfi......laust við skort á starfshæfni yfirmanna.

Man í augnablikinu ekki eftir fleiru til að segja frá, en það kemur á næstunni. Þessi pistill er tileinkaður frænkum mínum sem ég hef vanrækt með skorti á bloggfærslum.

Entrópí

2007-02-08T01:33:00.000Z

Vegna fjölda áskorana hennar Sibbu frænku þá hef ég ákveðið að hripa niður nokkrar setningar. Nú er ég á síðustu önn í Vélskólanum og hef nóg að gera, er í 32 einingum. Það kemur samt sem áður engan veginn í veg fyrir ótakmarkaða fíkniefnaneyslu, allar sortir eiturlyfja, óverðskuldað tölvuleikjaspil fram eftir nóttu og undir morgun ásamt hryðjuverkum. Það sem ég hef hugsað mér að gera með skóla, dópaður að sjálfsögðu, er að smíða vélbyssu og fara í miðbæinn á góðum degi og fá ókeypis bjór gegn því að sýna hvað ég geymi í buxnastrengnum. Handsprengjur eru líka mjög heppilegar og láta vel að sér kveða í fjölmenni.

Búast má við að það skili sér færslur hér inn á næstunni, en það hefur kannski ekki mikið að segja þar sem að fáir lesa, 3-4 að meðaltali.

Þakka liðið, Jethro Stardust.

Próftíðin er.......MUERTE!

2006-12-15T23:11:00.000Z

Dömur og herrar.

Nú hef ég loks ákveðið hverfa aftur til Bloggheima og rita einhverja innantóma þvælu sem enginn vil lesa frekar en áður. Prófin eru loksins búin og ég fæ ekki betur séð en að þetta hafi gengið skítsæmilega þrátt fyrir ýmsa árekstra. Þegar ég hafði lokið þessum þremur prófum í dag og kysst ömmu gömlu bless, og étið líkamsþyngd mína af smákökum hjá henni, tók ég stefnuna norður í Skagafjörðinn......og lét Black Beauty (Súbbann) heldur hafa í rörið. Ég heyrði reyndar um daginn að Subaruinn væri einnig kallaður líkbíllinn, en það er þeim Friðgeiri skipstjóra og Hudson Bay að þakka.

Þegar á Krókinn var komið æddi ég beint í fangið á mömmu gömlu sem var að passa átvaglið hana frænku mína, Katrínu. Heima hjá henni systur minni voru til franskar kartöflur og sælgæti sem ég tróð í mig af áfergju og lét mig svo hverfa í föðurhúsin og rændi þar bjór sem ég sötra yfir þessum skriftum. Þetta er nóg í bili.

Viva Las Skagafjörður og ROCK ON!!!

Merkisdagur í dag.

2006-11-22T13:37:00.000Z

Í dag er merkilegur dagur. Hún Ragnheiður Petra, litla skottan mín, á afmæli í dag. Ótrúlegt til þess að hugsa hvað tíminn flýgur áfram og þessi litlu dýr eru fljót að stækka.......og byrja að ybba gogg! Fyrir tveimur árum var hún svo lítil og bara nýskriðin í heiminn.......í dag heimtar hún súkkulaði og hrekkir pabba sinn. Ótrúlegt.

Til hamingju með daginn, Ragnheiður Petra.

Vertu sæll, Hr. Benedikt.

2006-11-08T11:55:00.000Z

Að öllu líkindum hafa flestir sem eru innan ættarinnar eða henni tengdir heyrt sorgartíðindin úr Skagafirðinum. Síðastliðinn föstudag, 3.nóvember kl. 11:55, lést Benedikt Hundsson á heimili sínu. Útförin fór fram á laugardaginn eftir. Eftirfarandi voru viðstaddir útförina: Mamma, pabbi, afi, amma, Sóla systir og ég. Benedikt varð 16 ára og 30 daga.

Takk fyrir samveruna Benni bróðir.

Nú er komið að því...!

2006-10-30T18:01:00.000Z

Í dag las ég fréttagrein á visir.is sem fyllti mig löngun til að taka upp AK-47 herriffilinn, sem ég á ekki, og handsprengjubeltið, sem ég á ekki heldur, og skapa ómældan glundroða á götum borgarinnar.

Mál er þannig með vexti að ég las um hjón, skildist mér, sem fóru saman á veitingahús í bænum. Inn á veitingastaðinn æðir einhver útlendur rumpulýður sem samanstóð af fjórum karlmönnum sem brutu upp hurð á salerni staðarins sem kona mannsins var á. Þeir réðust á konuna og eiginmaðurinn reyndi að sjálfsögðu að skerast í leikinn, en með þeim afleiðingum að hann fékk heldur duglega útreið og er illa farinn. Mennirnir eru frá Póllandi og Litháen.
Árásarmönnum var sleppt að loknum yfirheyrslum!

Það vantar nú inn í þessa frásögn hjá mér og hvet því alla til að fara inn á Vísi og lesa greinina eða fara inn á B2 fyrir daginn í dag og fara þaðan beint á greinina.

Fyrir neðan fréttina hafa nokkrir ættjarðarelskandi Íslendingar tjáð skoðun sína á þessu og ég er þeim innilega sammála nema einum hlandhausnum sem tekur upp hanskann fyrir þetta hyski og mistekst sorglega við að reyna að verja málstað þeirra með bágbornum rökum.

Ef þið, góðu lesendur, komið til með að lesa fréttina skiljið þið mun betur hvað ég er að fara. Hvernig datt þeim í hug að sleppa þeim?! Hver djöfullinn er eiginlega í gangi í þessu helvítis kerfi dóms og laga? Skal einhvern undra að það skapist "rasismi" eða útlendingahatur þegar svona er? Ég vil taka það fram áður en lengra er haldið að sjálfur er ég ekki rasisti og ekki á móti því að fólk frá öðrum löndum komi hingað og aðlagist samfélaginu og verði heiðarlegir borgarar einsog mýmörg dæmi sanna. En að hleypa hvaða djöfulsins ræflahópi og glæpahyski inn í landið, án afláts, er þvílíkt ábyrgðarleysi að ég botna ekkert í þessu. Vandamál af þessum toga hafa verið að gera vart við sig í norðanverðri Evrópu, þó kannski helst Danmörku og Svíþjóð. Þar er þetta orðið vandamál! Íslendingar jafn sofandi á verðinum og vanalega með sitt þrönga sjónsvið horfa út um gluggann á meðan í stað þess að læra af reynslu annarra og vera með fyrirbyggjandi aðgerðir gegn svona löguðu. Nei takk! Frekar að vera handalaus heybrók með hausinn á kafi upp rassgatinu á sér.

Það styttist í að stríð brjótist út í einhverju formi og þá er fjandinn endanlega laus og hugsanlega verður ekki séð fyrir endann á því.

Ekki lengra í bili, er brjálaður og í vígahug!

24 einsog í 24 með Kiefer Sutherland. Beat that!

2006-10-25T22:58:00.000Z

Í dag var mjög venjulegur dagur. Vaknaði sæll og glaður og fullur orku til að láta einsog fífl allan daginn. Svo á ég líka afmæli.....ennþá.....næstu 42 mínúturnar. Orðinn 24 ára einsog hendi sé veifað. Sigurbjörgu, minni góðu frænku, fannst tilhlýðilegt að halda matarboð í tilefni dagsins og bauð mér húsnæði sitt til þess. Henni kann ég miklar þakkir fyrir alla hjálpina, einnig öllu þessu góða fólki sem kom í matinn hjá okkur frændsystkinum. Það var mjög notalegt og sturlunarkennt einsog vant er. Þó verð ég að segja að mér þykir ekki vænt um þessa lumbru sem hefur komið sér fyrir í mér og vona að hún hverfi fyrir helgina.

Fer að láta reiðipistlana dynja á blogginu fljótlega en ekki núna. Fylgist því vökul með blogginu og bíðið óþreyjufull.

Pís át.

Gin, juice og e-pillur.

2006-10-18T22:39:00.000Z

Jæja börnin góð.....nú er komið að því. Í tilefni þess að ég hef ekkert gert síðustu vikur en að læra og vera þreyttur tel ég ástæðu til að slá þessu öllu upp í kæruleysi og missa vitið lítillega. Á vissum tímapunkti í lífi ungs manns er nauðsynlegt að fara þversum, skandalísera og fá heiftúðlegan móral á eftir. Það er það sem koma skal. Ótakmarkað brennivínsþamb og fíflagangur er svarið. Ég hvet mín fræknu frændsystkin á höfuðborgarsvæðinu til að sameinast og taka þátt í vitleysunni með mér.

Rock 'N' Roll.

Hvað í andskotanum....

2006-10-10T13:22:00.000Z

Gengur eiginlega á hérna. Af hverju þarf slíkur geðprýðismaður einsog ég að þurfa að horfast svo stíft í augu við raunveruleikann án þess að missa stjórn á mér.
Í síðustu viku vann ég hörðum höndum að skila verkefnum sem voru ákaflega krefjandi og tóku mikinn tíma. Fyrir einhverjar sakir tókst mér að sannfæra mitt "innra sjálf" um að þessi vika yrði einsog sigling um Karíbahafið í samanburði við þá síðustu. Karma alheimsins ákvað, í illgirni sinni, samt sem áður að snúa því yfir í andhverfu rólegheita og gera mig sturlaðan. Af hverju hrannast upp verkefni í námsgreinum skólans sem að taka svona mikinn tíma?! Ég er bara ungur drengur. Af hverju þarf að fara svona með ungan dreng.com?! Og að hugsa sér að lyklaborðið við tölvuna mína fái að kenna á reiði Hjartarins......sorglegt. Verð að hætta áður en ég brynni músum.....eða brýt eitthvað.

Afmæliskveðja

2006-10-04T23:53:00.000Z

Í dag er runninn upp sá merkilegi dagur að herra Benedikt Hundsson er orðinn 16 ára. Það þýðir að ef hann væri maður væri hann sjö sinnum það = 112 ára. Þetta þykir mér vera merkisáfangi í lífi hundsins sem hefur fylgt mér frá 8 ára aldri og verið stór hluti lífs míns allar götur síðan.

Innilega til hamingju með daginn Benni bróðir.

Halló......ég er kominn aftur !

2006-10-04T19:29:00.000Z

Nú hef ég ákveðið að rita nokkur orð í tilefni þess að bloggið mitt hefur fengið nýtt andlit og mun þessi færsla marka upphaf á glæstum komandi bloggferli. Þess má geta að Ísak frændi minn hannaði þetta nýja og flotta útlit og kom í virkni á allan hátt og ég get ekki þakkað honum nógsamlega fyrir þessa hjálp.

Búast má við röð af truflandi og heilsuspillandi færslum á næstunni sem gætu orðið til þess að lesandinn gangi ekki heill til skógar á eftir. Vonum að svo verði, amen.

Hjörtur.

Biturð nærgætninnar.

2006-02-27T20:26:00.000Z

Æruverðuga samfélag.

Í síðustu færslu minni minntist ég lítillega á kvenfólk og ýmislegt sem viðkemur þeirra daglega lífi. Þess má geta að þessi færsla þessi var tilraun til að skemmta fólki og vona að það hafi tekist af einhverju leyti.

Að öðru leyti vonaðist ég til þess að þetta gæti reitt kvenþjóðina til reiði svo ég fengi harkaleg viðbrögð og langa skammarpistla. Það gekk því miður ekki!

Vil ég hér með nota tækifærið og segja af mér því embætti sem mér var falið á sínum tíma, sem forseti samtakanna Fylgjendur kvenfyrirlitningar, fyrir sakir vanhæfni í starfi.

Sjáumst heil, Getnaðarlimur.

Hugrenningar brjálæðings

2006-02-15T20:58:00.000Z

Sælt veri fólkið

Ég verð að segja að ég hef orðið fyrir miklum sálrænum skaða. Svo er mál með vexti að litla frænka mín, Signý Ósk, hefur ekki séð sér ástæðu til þess að minnast þess á bloggi sínu að ég, hennar æruverðugi frændi, hafi einnig komið sér fyrir í Bloggheimum. Hún minnist á Ísak og Hildigunni...en ekki mig.

Þar sem að hún hefur ekki séð sig knúna til að skrifa færslu á bloggið sitt síðan 1329, fyrir Kristsburð vel að merkja, tel ég ólíklegt að hún muni koma til með að lesa þessa harmsögu mína úr samtímanum þar sem að hún kann líklega ekki lengur að vinna með tölvur og hvað þá forrit sem tengjast þeim. Þá á ég við forrit á borð við Internet Explorer eða Mozilla Firefox sem gætu leitt hana inn á þetta vel hannaða blogg.

Ef einhver yrði svo lánsamur að hitta þessa annars ágætu stelpu mætti sá og hinn sami gefa henni þéttingsfast högg í nýrun og skila kveðju frá mér.

Annað mál á dagskrá er eftirfarandi: Uppbyggileg hvatning og ráð til að halda aftur af hegðunarvandamálum kvenþjóðarinnar.

Oftar en ekki gerist það að ungir piltar, og stundum fullorðnir menn, falla í þá gryfju að fara að bera óeðlilega mikinn hlýhug til einnar ákveðinnar kvenpersónu. Þetta ástand er tímabundin geðveiki og verður að meðhöndla sem slíka.
Karlmaður sem í þessu lendir er tilvonandi fórnarlamb, hugsanlega fyrir lífstíð, og kynbræður hans verða að styðja við bakið á honum og leiða á rétta braut til að ekki fari illa. Til þess að það sé aftur á móti hægt verða þeir að vera meðvitaðir um rétt viðbrögð við hinum ýmsu klækjum og uppátækjum sem konan kynni að taka uppá.

Það ber að taka fram að konan er ófullkominn helmingur karlmanns sem er vanþróaðri en hann á öllum sviðum og ber okkur því ekki að hylla þær né heldur láta neitt eftir þeim. Þar sem að þetta eru dýr ber að umgangast konur sem slík og byrja að beita þær aga frá upphafi. Einsog sannast hefur á hundum hefur það ekki reynst vel að dýrið hafi nema einn húsbónda.
Til að komast hjá geðveiki af sökum nöldurs, eða þegar dýrið hljómar einsog rispuð plata, ber manninum að hugsa þetta sem sjúkdóm sem dýrið ræður ekki við. Þetta er í raun þáttur sem brennimerktur er í erfðamengi konunnar og ekkert við því að gera.
Hér að neðan eru nokkur atriði sem hafa ber huga við ákveðnar algengar aðstæður

1. Verði karlmaður svo ólánsamur að hitta konu á skemmtistað sem líkar vel við hann og vill hugsanlega verja tíma með honum, þá við annað en að spila slönguspilið eða því um líkt, er hætta á ferðum ef maðurinn er ekki meðvitaður um hættuna.
Forðast skal það að gefa dýrinu að drekka áfenga drykki því það er sólgið í þá og ekki aðeins getur það orðið árásargjarnt og leiðinlegt heldur eru slíkir drykkir dýrir og maðurinn má ekki láta ginnast og sýna veskið.
Maðurinn skal panta tvo drykki og láta konuna borga, því aðeins þannig hefur hann stjórn á aðstæðum.

2. Einnig skal vera á stöðugu varðbergi þegar dýrið er í kringum samskiptatæki t.d. síma því að það er sólgið í að hafa samskipti við önnur kvendýr í gegnum þann miðil.
Samtölin einkennast af ókennilegu, samfelldu suði sem dýrið gefur frá sér og er í raun innihaldslaus þvæla sem karlmaðurinn þarf síðan að greiða símafyrirtækinu himinháar upphæðir fyrir.

3. Varast ber að fara með konuna nálægt verslunum sem innihalda fatnað ýmiskonar eða glingur af einhverju tagi. Komist konan inní slíka búð er von á því að önnur dýr úr hópnum komi henni til hjálpar og yfirbugi manninn og þá þarf ekki frekari útskýringa við hvaða afleiðingar það hefur. Gjaldþrot mannsins.

4. Það er einnig mikilvægt að konan fái ekki að koma nálægt stjórntækjum ökutækis eða annars viðlíka búnaðar, því þær hafa ekki skilning né hæfni til að stjórna þessháttar tæki og eiga bágt með að greina rétt frá röngu í umferðinni líkt og annars staðar í lífi konunnar.

Hér að ofan hafa aðeins nokkrar af reglum um hvernig umgangast skuli kvenfólk, verið nefndar en sennilegt er að frekari upplýsingum þessu efni skylt verði komið hér á framfæri.

Undirritaður þakkar pent fyrir áheyrnina, sæl að sinni.

Kveðja, Jethro Stardust.

14.febrúar

2006-02-14T20:53:00.000Z

Halló veröld....

Í dag er merkilegur dagur,þ.e.a.s. Valentínusardagurinn. Hvaða fyrirbæri er nú það?!

Það get ég sagt ykkur landsmenn nær og fjær.

Þetta er séramerískt , klisjukennt fyrirbæri. Og sökum áhrifagirndar okkar Íslendinga þurfum við náttúrulega að taka þennan sið upp. Það sem kannski fæstir gera sér grein fyrir er það að þetta er fundið upp til að græða peninga og þar sem að Íslendingar eiga nóg af peningum er þeim sama þótt þeir láti ginna sig til að taka upp þennan sið. Hvað varð um hinn séríslenska bónda-og konudag? En hvað um það, þetta er einungis mín skoðun.

Þar sem að ég er orðinn hugmyndasnauður á ný, verður hér staðar numið.

Fari það í hvítglóandi helvíti....

2006-02-14T14:50:00.000Z

Það er ekki hægt að segja að karma alheimsins sé mér hliðhollt um þessar mundir. Í gærmorgun er ég vaknaði fann ég til eymsla í hálsinum og grunaði þá samstundis að eitthvert ómennið hefði smitað mig af þessum fjára.
Til þess að reyna að koma í veg fyrir að ég yrði helsjúkur ákvað ég því að klæða mig í rúllukragapeysu og ganga með húfu það sem eftir lifði af deginum, enda annálaður skynsemismaður hér á ferðinni.
Það er skemmst frá því að segja að þessar ákvarðanir sem teknar voru, sem áttu að verða til gagns, báru ekki árangur heldur þvert á móti gerðu illt ennþá verra. Ég hefði betur átt að fara í skólann á sokkaleistunum einum fata. Nú sárkenni ég til í hálsinum og á mig hefur sótt þrálátt hitakóf og verkir í skrokknum öllum........allt mér til mikillar bölvunar.

Ekki ætla ég mér að vola meira að þessu sinni en líklegt er að önnur færsla berist seinna í dag.

Eftirjólatryllingur.

2006-01-03T23:05:00.000Z

Jæja....það hlaut að koma að því að ég drullaðist til að skrifa einhverja helvítis þvælu á blogginu mínu. Jólin að baki og dásemdartíð framundan í guðsblessuðum skólanum. Hlakka til að sjá hvaða vitleysu þessum skólameistara svokölluðum dettur í hug að framkvæma á þessu herrans ári. Veit að þessar athugasemdir um skólann eru svolítið "local" en nú neyðist ég til að hella aðeins úr skálum reiði minnar og pirrings.....
Það er gott og gilt að skipta út gömlum og slitnum starfsmönnum sem eru komnir á aldur, og jafnvel í hagræðingarskyni, og bjóða þá nýju velkomna. Einhvers staðar virðist stjórnarmönnum þessarar stofnunar orðið á í messunni og valið að handahófi úr fjöldanum trúð úr sirkusflóru landsins. Hvað í andskotans,djöfulsins,helvítinu er Fjöltækniskóli?! Hvaða viðurstyggðar orðskrípi er þetta eiginlega?? Ég held að ég viti ekki um neinn, nema okkar ágæta skólameistara og stjórnar Menntafélagsins, sem líkar við þessa nafngift. Honum tókst svosem að koma þessum andskota til leiðar til að gæða skólann nýju,fágaðra og virðulegra yfirbragði. Síðan þetta gerðist hefur farið af stað atburðarás sem mun eflaust draga dilk á eftir sér.
Spurt er: Hvað var að því að vera í Vél- eða Stýrimannaskólanum eða Sjómannaskólanum einsog þeir hafa verið kallaðir í sameiningu? Ekkert að mínu mati. Skólinn finnst mér hafa tapað virðugleika sínum og tengslum við það sem hann snýst aðallega um. Ég mun aldrei og þá meina ég ALDREI segja við nokkurn mann ,ef ég er spurður, að ég sé í Fjöltækniskólanum. Ég bara samþykki ekki svona reginþvælu. Og hvaða grín var það að draga inn í skólann forpokaðar öfgamanneskjur úr röðum rauðsokka og femínista og láta þær lesa yfir okkur skammarræðu um hvað má og hvað má ekki. Það má ekki halda eitt helvítis bjórkvöld með nöktum listdönsurum án þess að fundur sé haldinn og opinber afsökunarbeiðni birt á síðu skólans, sem ég reyndar held að hafi verið skrifuð og birt án vitundar nokkurs manns nema höfundarins (meistarans væntanlega). Ekki ætla ég að beygja mig fyrir þessu rugli...og gef mig aldrei. Einnig fannst mér gamnan að heyra frá áðurnefndum öfgamanneskjum að líklegt væri að 3 af hverjum 4 karlmönnum í salnum hneigðust hugsanlega til kynferðisafbrota og ef okkur væri komið til yrðum við ekki ósvipaðir og " bremsulausir bílar í brekku" og hættum ekki fyrr en við fengjum þörfum okkar fullnægt. Ég hef ekki séð þessar konur mótmæla jafnákaft nýlega útgefinni bók sem ber heitið Djöflatertan og mér skilst að hún fjalli aðallega um að ná sér niðri á karlmönnum með miður geðslegum hætti. En niðurstaðan er sú að þessu kom hann til leiðar.
Ég gæti skrifað bók um það sem miður hefur farið í þessari stofnun en ætla að láta staðar numið í bili sökum reiðiskjálfta sem ég er kominn með og get vart skrifað. Önnur niðurstaða fengin: Þetta allt saman grundvallast af snobbi sem hefur engu góðu hefur komið til leiðar og síst bætt aðbúnað í skólanum og þaðan af síður kennslu.

Því miður verð ég að segja að ég tek ekkert nærri mér þó svo að einhverjum finnist ég óvæginn út af þessum málum. Látið endilega heyra í ykkur í formi athugasemda á blogginu.

Yfir og út.

Jólin

2005-12-26T19:25:00.000Z

Jæja, sælt veri fólkið og gleðileg jól. Vegna fjölda áskorana hef ég ákveðið að skrifa á þessa fínu bloggsíðu mína. Vona að allir hafi fengið eitthvað gott að borða um jólin....allavega er ég hálfónýtur af ofáti. Vona að við sjáumst frændsystkinin ofurölvi og lítt geðsleg á áramótunum. Jæja.......ekki meira um það.
Smell you later.

Árni minn, já Árni minn.......

2005-12-01T15:00:00.000Z

Já það er nefnilega það. Systkinin berjast sín á milli og þú ert skilinn eftir í skugganum. Svo það sé nú ekki minnst á Nóbelstengdu bloggverðlaunareglurnar sem virðast vera eitthvað grín í augunum á þessu fólki....ég er svoleiðis vita undrandi á svona háttalagi. Þú vannst í það minnsta móralskan sigur Árni minn.
Ætli ég sé ekki tilneyddur til að fara í próf á morgun í fagi sem ég kann jafnmikið í einsog Amish-fólkið veit um tímamismun milli straums og spennu í rafmagnsrásum sem hefur að geyma krampakennt spanálag......ergo, ég er úti á gresjunni að bora í nefið.
Lenti í býsna skemmtilegri lífsreynslu í morgun sem að ég tel skyldu mína að greina frá. Þar sem ég var að rúnta eitthvað í gærkveldi og í framhaldinu á leiðinni í skólann ,að læra undir þetta æsilega próf, ákvað ég að bregða á sprell og lagði í bílastæði áfangastjórans.....sem ég ætlaði þá væntanlega að þykjast vera ef spurt yrði um bifreiðina. En einhverra hluta vegna ákvað ég að skilja bílinn eftir og fór heim að sofa. Það má segja að ég hafi vaknað upp við vondan draum í morgun þegar hringt var í mig og mér tjáð að bifreið mín væri ákaflega óheppilega staðsett í rúmi þessa alheims og skyldi tafarlaust fjarlægja hana. Ákaflega mæddur skakklappaðist ég í geðvonsku minni og fjarlægði áðurnefnda bifreið og sá, mér til skelfingar, að áfangastjórinn hafði verið nauðbeygður til að leggja í stæði umsjónarmanns. Svona ódæði frem ég ALDREI aftur!!! En þar að auki mér til ómældrar kátínu sá ég að búið var að líma miða á bílrúðuna hjá mér sem tjáði mér að ég væri ekki velkominn í bílastæði af þessum ættum og mér væri skilt að ganga tafarlaust niður á Lækjartorg og sæta refsimeðferð í gapastokk og vera hæddur af sauðsvörtum almúganum. Þess má geta að límið sem notað er á bakhlið þessara miða er nógu sterkt til að líma saman lærin á Annabelle Chong og þarf nú ekki að útlista hverslags ógnarhald það hlýtur að vera ! En það sem ég er að reyna að segja er að ég varð vægast sagt snælduvitlaus við þessa sjón sem blasti við mér og plokkaði miðann af rúðunni með viðeigandi áhrínisorðum til geranda þessarar óhæfu. Fljótlega fann ég til hræðslu þegar bráði af mér og áttaði mig á því að ég væri kominn í stapp við eina öflugustu mafíu sem fyrirfinnst...Fjöltæknimafíuna. Þess má geta að hlutir sem meðlimir þessarar mafíu framkvæma, þá sérstaklega í garð saklausra sveitaprinsa, eru mun óhugnanlegri en nafn mafíunnar gefa til kynna. Þar sem ég stóð frosinn af hræðslu og bjóst við að fá riffilskot í hnakkann ofan úr turni, þá væntanlega frá leyniskyttu guðföðursins, fyrir þær sakir að vanvirða miðann í stað þess að gera krossmark yfir honum reyndi ég að mjaka mér hægt og rólega í burtu...og viti menn...þegar ég var kominn fyrir húshornið hjá bílastæðunum tók ég rás og linnti ekki hlaupum fyrr en ég var kominn inn í herbergið mitt og kastaði þá upp af geðshræringu. Þar á eftir lagðist ég hríðskjálfandi upp í rúm og lá þar í fósturstellingunni fram eftir degi.
Saga þessi innheldur lítinn sem engan boðskap nema þá helst að hvað sem maður gerir....hvað sem er.....ALDREI kaupa bíl og hvað þá að taka bílpróf og síðast en ekki síst að láta sér detta slíka fjarstæðukennda vitleysu í hug að leggja í bílastæði mafíunnar.
Þakka áheyrnina.......er á leiðinni í einangrun.

Hjörtur

Hjörtur

2005-11-30T01:51:00.000Z

Jæja...nú er ég loksins búinn að commenta á bloggið mitt. Er að fara í próf á morgun...nei eiginlega á eftir svona frekar. Aldrei stundlegur friður fyrir nokkrum sköpuðum hlut....ég hélt að skóli væri svona apparat til að komast hjá því að vinna ekki til að vinna nær allan sólarhringinn og safna bjórvömb. Ætla að reyna að vera duglegur að setja allskyns vitleysu hérna inn...en það kemur svona í rólegheitum meðan ég er að bloggvæðast.Jæja þetta er gott í bili.

May the force be with you !!!

Komið í gagnið

2005-11-25T23:08:00.000Z

Jæja Hjöri minn! Þá er þetta komið á fót, svona nokkurn veginn alla vega... ef þér líst eitthvað á þetta að segja! Þess má geta að táknin í bakgrunninum eru Predator stafrófið og þarna stendur í raun randyrid blogspot com. Gott trivia um bloggið þitt sem að sýnir kannski öðru fremur hvað ég á mér lítið líf.

Annars er sennilega næsta skref bara að þú kíkir í heimsókn þegar þú kemur suður og ég sýni þér eitt og annað í tengslum við notkunina á þessu öllu saman.

Vona að þér líki þetta!

Dixi, Ísak frændi.